Genesis 43:1 ὰ πι`ϩκο δε ϫεμνομϯ ϩιϫεν πικαϩι.
Genesis 43:2 αςϣωπι δε ὲταυουωμ `μπιςουο ὲταυενϥ ὲβολ ϧεν χημι πεϫε ιακωβ πουιωτ νωου ϫε μαϣενωτεν ϣεπ ϩανκουϫι `ν`ϧρηουὶ ναν.
Genesis 43:3 πεϫε ιουδας δε ναϥ εϥϫω `μμος ϫε ϧεν ουμεθρε αϥερμεθρε ναν `νϫε πιρωμι εϥϫω `μμος ϫε `ννετενναυ ὲπαϩο `μπετενκουϫι `νςον νεμωτεν αν.
Genesis 43:4 ιςϫε ουν `χναουωρπ `μπενςον νεμαν τενναϣεναν ὲ`ϧρηι ουοϩ τενναϣεπ ϩα `ν`ϧρηουὶ ναν .
Genesis 43:5 ιςϫε δε `χναουωρπ `μπενςον νεμαν αν ιε τενναϣε αν ὰ πιρωμι γαρ ϫος ναν εϥϫω `μμος ϫε `ννετενναυ ὲπαϩο `μπετενκουϫι `νςον νεμωτεν αν.
Genesis 43:6 πεϫε πιςραηλ δε ϫε εθβεου αρὲτενερ παιπετϩωου νηι ὰτετενταμε πιρωμι ϫε ουοντετεν ςον `μμαυ .
Genesis 43:7 `νθωου δε πεϫωου ϫε ϧεν ουϣινι αϥϣεντεν `νϫε πιρωμι ὲπενϫωου εϥϫω `μμος ϫε αν ὲτι πετενιωτ ωνϧ ιε αν ουοντετεν ςον `μμαυ ουοϩ ανταμοϥ κατα παιϫινϣινι μη νανὲμι ανον πε ϫε `ϥναϫος ναν ϫε ανὶ πετενςον ϩαροι .
Genesis 43:8 πεϫε ιουδας δε `μπιςραηλ πεϥιωτ ϫε ουωρπ `μπιὰλου νεμηι ουοϩ `ντεντωουν `ντενϣεναν ϩινα `ντενωνϧ ουοϩ `ντεν`ϣτεμμου ανον νεμακ νεμ πενςοβϯ.
Genesis 43:9 ὰνοκ δε ϯερ`π`ϣτωρι `μμοϥ κωϯ `νςωϥ ὲβολ ϧεν ταϫιϫ ὲϣωπ αι`ϣτεμενϥ ϩαροκ `νταταϩοϥ ὲρατϥ `μπεκ`μθο ειὲϣωπι ειοι `νρεϥερνοβι ὲροκ `ννιὲϩοου τηρου .
Genesis 43:10 ὲβηλ γαρ ϫε ανωςκ νε ις `θνει αννακοττεν πε `νςον 2.
Genesis 43:11 πεϫε πιςραηλ δε πουιωτ νωου ϫε ιςϫε παιρηϯ πε ὰριουὶ `μφαι ϭι ὲβολ ϧεν νιουταϩ `ντε πικαϩι ϧεν νετενμοκι ουοϩ ὰλιουὶ ὲ`ϧρηι `νϩανταιο `μπιρωμι ὲβολ ϧεν πιςονϯ νεμ πιεβιω ου`ςθοινουϥι νεμ ου`ςτακτη νεμ ουτερεβινθις νεμ ϩανκαρια.
Genesis 43:12 ουοϩ ὰλιουὶ `μπιϩατ εϥκηβ ϧεν νετενϫιϫ πιϩατ ὲταυταςθοϥ ὲρωτεν ϧεν νετενςοκ ματαςθοϥ νεμωτεν μηποτε ουμετατὲμι πεταςϣωπι.
Genesis 43:13 ουοϩ ϭι `μπετενκεςον νεμωτεν ουοϩ τεν θηνου μαϣενωτεν ὲ`ϧρηι ϩα πιρωμι.
Genesis 43:14 πανουϯ δε εϥὲϯ νωτεν `νου`ϩμοτ `μπε`μθο `μπιρωμι ουοϩ εϥὲταουο `μπετενκεςον νεμωτεννεμ `πκεβενιαμιν ὰνοκ μεν γαρ `μ`φρηϯ ὲταιερατϣηρι αιερατϣηρι.
Genesis 43:15 αυϭι δε `νϫε νιρωμι `νναιταιο ουοϩ πιϩατ εϥκηβ αυϭιτϥ ϧεν νουϫιϫ νεμ βενιαμιν ουοϩ αυτωουν αυὶ ὲ`ϧρηι ὲχημι ουοϩ αυòϩι ὲρατου `μπε`μθο `νιωςηφ.
Genesis 43:16 αϥναυ δε ὲρωου `νϫε ιωςηφ νεμ βενιαμιν πεϥςον `νϣενμαυ ουοϩ πεϫαϥ `μφη ετχη ϩιϫεν πεϥηι ϫε ὰλιουὶ `νναιρωμι ὲϧουν ὲπιηι ϣετ ϩανφιςι ουοϩ ςεβτωτου ὰρε ναιρωμι γαρ ναουωμ `νουωικ νεμηι `μμερι.
Genesis 43:17 αϥὶρι δε `νϫε πιρωμι κατα `φρηϯ ὲτα ιωςηφ ϫος ναϥ.
Genesis 43:18 ὲταυναυ δε `νϫε νιρωμι ϫε αυενου ὲϧουν ὲπιηι `νιωςηφ πεϫωου ϫε εθβε πιϩατ ὲταυταςθοϥ ὲρον `νϣορπ ϧεν νενςοκ ανον ςεὶνι `μμον ὲϧουν ὲϭιτεν `νϫονς ουοϩ ὲϯ`μκαϩ ναν ὲ`πϫιναιτεν `μβωκ νεμ νενὲευ.
Genesis 43:19 αυὶ δε ϩα πιρωμι ετχη ϩιϫεν `πηι `νιωςηφ αυςαϫι νεμαϥ ϧεν πι`ϣθομ `ντε πιηι.
Genesis 43:20 ευϫω `μμος ϫε τενϯϩο ὲροκ πενϭοις ανὶ ὲ`ϧρηι `νϣορπ ὲϣεπ ϩαν`ϧρηουὶ ναν.
Genesis 43:21 αςϣωπι δε ὲτανὶ ὲπιμα ὲταν`ϣτο ὲροϥ ανουωμ `ννενςοκ ανϫεμ `πϩατ `μπιουαι πιουαι `μμον ϧεν πεϥςοκ πενϩατ ϧεν ουϣι ανταςθοϥ ϯνου ϧεν νενϫιϫ.
Genesis 43:22 ουοϩ ανεν κεϩατ νεμαν ὲϣεπ ϩαν`ϧρηουὶ ναν τενὲμι αν ϫε νεμ αϥϩι πιϩατ ὲ`ϧρηι ὲνενςοκ.
Genesis 43:23 πεϫαϥ δε νωου `νϫε πιρωμι ϫε ειλεως νωτεν `μπερερϩοϯ πετεννουϯ ουοϩ `φνουϯ `ντε νετενιοϯ αϥϯ νωτεν `νϩαναϩωρ ϧεν νετενςοκ πετενϩατ δε αιουω ειϭι `μμοϥ ϧεν ουδοκιμη ουοϩ αϥεν ςυμεων ὲβολ ϩαρωου.
Genesis 43:24 ουοϩ αϥεν μωου αυια ρατου ουοϩ αϥϯ `ϧρε `ννουὲευ.
Genesis 43:25 αυςεβτε νιταιο δε ϣατε ιωςηφ ὶ ὲϧουν `μμερι αυςωτεμ γαρ ϫε αρε ιωςηφ μευὶ ὲουωμ νεμωου `μπιμα ὲτε`μμαυ.
Genesis 43:26 αϥὶ δε `νϫε ιωςηφ ὲϧουν ὲπιηι ουοϩ αυὶνι `ννιδωρον ναϥ ὲπιηι νη ὲναψυχη ϧεν νουϫιϫ ουοϩ αυϩιτου ὲϫεν πουϩο ϩιϫεν πικαϩι ουοϩ αυουωϣτ `μμοϥ.
Genesis 43:27 αϥϣενου δε ϫε αρετενερ ου ουοϩ πεϫαϥ νωου ϫε `ϥουοϫ `νϫε πετενιωτ πιϧελλο ὲτερετενϫος ὲτι `ϥονϧ.
Genesis 43:28 `νθωου δε πεϫωου ϫε `ϥουοϫ `νϫε πεκὰλου πενιωτ ὲτι `ϥονϧ ουοϩ πεϫαϥ ϫε `ϥςμαρωουτ ὲβολ ϩιτεν `φνουϯ `νϫε πιρωμι ὲτε`μμαυ ουοϩ αυϩιτου ὲ`ϧρηι αυουωϣτ `μμοϥ.
Genesis 43:29 αϥϫουϣτ δε ὲ`πϣωι `ννεϥβαλ `νϫε ιωςηφ αϥναυ ὲβενιαμιν πεϥςον `νϣενμαυ ουοϩ πεϫαϥ ϫε φαι πε πετενκουϫι `νςον φη ὲταρετενϫος ὲενϥ ϩαροι ουοϩ πεϫαϥ ϫε ὲρε `φνουϯ ναι νακ παϣηρι.
Genesis 43:30 αϥ`ϣθορτερ δε `νϫε ιωςηφ ναρε νεϥμαϧτ γαρ φονϩ πε ὲϫεν πεϥςον ουοϩ ναϥκωϯ `νςα ριμι αϥϣεναϥ δε ὲϧουν ὲπεϥταμιον αϥριμι.
Genesis 43:31 ουοϩ ὲταϥια πεϥϩο ὲβολ αϥὶ ὲβολ αϥὰμονι `ντοτϥ ουοϩ πεϫαϥ ϫε χα ωικ ὲ`ϧρηι.
Genesis 43:32 ουοϩ αυχω ϧαρωϥ `μμαυατϥ νεμ ϧαρωου `ννιρεμ`νχημι `μμαυατου νη εναυουωμ νεμαϥ νε `μμον `ϣϫομ γαρ πε `ννιρεμ`νχημι ὲουεμ ωικ νεμ νιϩεβρεος ϫε νε ουςωϥ γαρ πε `ννιρεμ`νχημι πε μανὲςωου νιβεν `ντε νιὲςωου.
Genesis 43:33 αυϩεμςι δε `μπεϥ`μθο πιϣορπ `μμιςι κατα τεϥμετνιϣϯ ουοϩ πικουϫι κατα τεϥμετκουϫι ναυτομτ δε `νϫε νιρωμι πιουαι πιουαι ουβε πεϥςον.
Genesis 43:34 ναυωλι δε `νϩαντοι `ντοτϥ πε ευϯ `μμωου νωου εςερνιϣϯ δε `νϫε `ττοι `μβενιαμιν ὲϩοτε νιτοι τηρου `ντωου νε `νκωβ ϧατεν νανη αυςω δε ουοϩ αυθιϧι νεμαϥ .